Fanmi Benjamin an anonse sou paj Facebook atis la dat antèman atis nou vle pale de Michael BENJAMIN ki mouri nan dat 15 oktòb 2022 nan peyi lafrans presizeman nan kapital la  : Pari. Daprè yon nòt pou laprès, antèman an pral fèt nan Miami, Florid, Etazini, 6 novanm.

“Antèman Mikaben ap fèt nan Miami, Florid jou k'ap 6 novanm nan. Pou zanmi nou an Ayiti, yap fè yon mès. Detay yo pral kominike byento pou pèmèt tout moun ki vle vin rann li omaj", nou twouve l konsa nan communiqué pou laprès.

Fanmi Mikaben te raple kalite Mikaben ak talan li te mete nan sèvis mizik ayisyen an. "Anplis ke li te yon chantè talan, Mikaben te tou yon pwodiktè mizik / konpozitè, lirisyen, antrenè vokal, ak aktè. Anplis anpil talan li yo, Mikaben te sitou yon nonm janti ak jenere, yon papa ki renmen l, yon mari devwe, ak yon fanmi ekilibre, "li te ekri konsa.

Pita nan nòt pou laprès sa a, fanmi atis la di yo rekonesan dèske yo te pase yon bon moman ak atis la atravè chante li a. “Nou vrèman rekonesan pou tout bèl moman li te pataje avèk nou nan lavi ak atravè mizik li yo. Li pral manke anpil epi eritaj li a ap viv pou tout tan. Mèsi pou tout bagay Mikaben.”

"Pou onore li, nou pral kontinye mete ajou platfòm li a pou onore memwa li ak pataje fason pou sipòte fanmi li '," fanmi an ki raple nou tout ke yo te mete kanpe " yon kanal pou aksepte don ki gen entansyon sipòte eritaj li. Donasyon yo pral afekte jan sa a: majorite donasyon yo pral ale nan yon fon memorial pou ede kouvri depans ki asosye ak twa pitit Mika yo: lekòl, inivèsite, swen medikal ak yon fon depay. Ti Souf, òganizasyon san bi likratif Mika kreye pou bay pèp ayisyen an sipò, pral resevwa tou yon pòsyon,” deklarasyon an fini konsa.se tout sa yo nou te twouve nan nòt pou laprès sa.